Начало » Общение » Разговоры на отвлеченные темы » Догадываюсь что могу попасть в оффтопик, но....
|
|
| Re: Догадываюсь что могу попасть в оффтопик, но.... [сообщение #95477 является ответом на сообщение #95474] |
Вт, 17 Июнь 2008 23:35   |
баба яга
Сообщений: 5995
Зарегистрирован: Октябрь 2007
Географическое положение: южная европа
Карма: 0
|
Мне тут нравится
Елена |
|
|
|
Есть один сайт, не помню, но если надо поищу, но он работает только с ирмологием, да и то не всегда...
затем, вот тут
http://www.fatheralexander.org/page9.htm
кое что есть, а тут
http://wertograd.narod.ru/text.htm
праздничная минея, триодь и т.д...
|
|
|
|
|
|
|
|
|
|
| Re: Догадываюсь что могу попасть в оффтопик, но.... [сообщение #105438 является ответом на сообщение #95474] |
Вт, 15 Июль 2008 21:20 |
irinka
Сообщений: 51
Зарегистрирован: Август 2007
Географическое положение: Latvija
Карма: 0
|
Немного написал(а) |
|
|
|
Вечер добрый! Столкнулась с такой проблемой, что надо провести службу в четверг вечером (обретение мощей прп. Сергия Радонежского. Прмц. великой княгини Елисаветы), а нет ни одной из стихир преподобномученицы Елисаветы (тех, что в указаниях требуются).... Может, кто подскажет, где искать? Написано смотреть в дополнительной минее, но там кроме тропаря и кондака нет ничего.... И что мне теперь делать? Как подготовиться?
|
|
|
|
| Re: Догадываюсь что могу попасть в оффтопик, но.... [сообщение #105443 является ответом на сообщение #95474] |
Вт, 15 Июль 2008 21:34 |
Елизавета Бам
Сообщений: 5554
Зарегистрирован: Март 2008
Географическое положение: Лучший город ...
Карма: 0
|
Мне тут нравится
Солана |
|
|
|
Посмотрите, тут нет того, что Вам нужно?
Цитата:Последование молебного пения святым преподобномученицам Великой Княгине Елисавете и инокине Варваре
Диакон: Благослови, Владыко.
Священник:Благословен Бог наш, всегда, ныне и присно, и во веки веков.
Лик: Аминь.
Диакон: Славе Тебе, Боже наш, слава Тебе.
Лик: Царю Небесный, Утешителю, Душе истины, Иже везде сый и вся исполняй, Сокровище благих и жизни Подателю, приди и вселися в ны, и очисти ны от всякия скверны, и спаси, Блаже, души наша.
Чтец: Святый Боже, Святый крепкий, Святый Безсмертный, помилуй нас (трижды).
Слава Отцу и Сыну и Святому Духу, и ныне и присно, и во веки веков, аминь.
Пресвятая Троице, Помилуй нас; Господи, очисти грехи наша, Владыко, прости беззакония наша, Святый, посети и исцели немощи наша, имени Твоего ради.
Господи помилуй (Трижды).
Слава Отцу и Сыну и Святому Духу, и ныне и присно, и во веки веков, аминь.
Отче наш, Иже еси на небесех, да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам грехи наша, якоже и мы оставляем должником нашим, и не введи нас во искушение, на избави нас от лукавого.
Возглас: Яко Твое есть Царство, и сила и слава, Отца и Сына и Святаго Духа, ныне и присно, и во веки веков.
Чтец: Аминь.
Господи, помилуй (12 раз).
Слава Отцу и Сыну и Святому Духу, и ныне и присно, и во веки веков, аминь.
Придете, поклонимся Цареви нашему Богу.
Придете, поклонимся и припадем Христу, Цареви нашему Богу.
Придете, поклонимся и припадем Самому Христу, Цареви и Богу нашему.
Псалом 142
Господи, услыши молитву мою, внуши моление мое во истине Твоей, услыши мя в правде Твоей, и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и-уподоблюся низходящим в ров. Слышану сотвори мне заутра милость Твою, яко на Тя уповах. Скажи мне, Господи, путь, в оньже пойду, яко к Тебе взях душу мою. Изми мя от моих, Господи, к Тебе прибегох. Научи мя творити волю Твою, яко Ты еси Бог мой. Дух Твой благйй наставит мя на замлю праву. Имене Твоего ради, Господи, живиши мя правдою Твоею, изведеши от печали душу мою и милостию Твоею потребиши враги моя и погубиши вся стужающия души моей, яко аз раб Твой есмь.
Слава Отцу и Сыну и Святому Духу, и ныне и присно, и во веки веков, аминь.
Аллилуия, аллилуия, аллилуия, слава Тебе, Боже (Трижды).
Господи, помилуй (12 раз).
Слава Отцу и Сыну и Святому Духу, и ныне и присно, и во веки веков, аминь.
Таже диакон, Мирная ектения: и по возгласе священника: Яко подобает Тебе… диакон: Бог Господь и явися нам, благословен Грядый во имя Господне.
Стих 1: Исповедайтеся Господеви, яко Благ, яко в век милость Его.
Стих 2: Обышедше обыдоша мя, и именем Господним противляхся им.
Стих 3: Не умру, но жив буду и повеем дела Господня.
Стих 4: Камень, Егоже небрегоша зиждущии, Сей бысть во главу угла, от Господа бысть Сей и есть дивен во очесех наших.
Тропарь, глас 1.
Смирением достоинство княжеское сокрывше,/ богомудрая Елисавето,/ сугубым служением Марфы и Марии Христа почтила еси,/ милосердием, терпением и любовию себе предочистивши,/ яко жертва праведная Богу принеслася еси./ Мы же, чтуще добродетельное житие и страдания твоя,/ яко истинную наставницу усердно просим тя:/ святая мученице Великая княгине Елисавето,/ моли Христа Бога/ спасти и просветити души наша.
Слава, и ныне, Богородичен:
Гавриилу, вещавшу Тебе, Дево, радуйся,/ со гласом воплощашеся всех Владыка/ в Тебе, святем Кивоте,/ якоже рече праведный Давид,/ явилася еси ширшая небес,/ поносивши Зиждителя Твоего./ Слава Всельшемуся в Тя;/ Слава Прошедшему из Тебе;/ слава Свободившему нас рождеством Твоим.
Псалом 50
Помилуй мя, Боже, по велицей милости Твоей и по множеству щедрот твоих очисти беззаконие мое. Наипаче омый мя от беззакония моего и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих и победиши внегда судити Ти. Се бе, в беззакониих зачат есми, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правдеТвоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.
Канон преподобномученицы Елисаветы, глас 8.
Песнь 1.
Ирмос: Поим Господеви,/ проведшему люди Своя сквозе Чермное море,/ яко един славно прославися.
Подаждь, Господи, души моей просвещение/ и уста моя недостойная отверзи, да воспою угодницу Твою, преподобномученицу Елисавету,/ в нейже имя Твое святое славно прославися.
Чадо Господне возлюбленное, чудная Елисавето,/ телесною красотою украшенная и княжеским величием возвеличенная/ паче духовною добротою возвеличилася еси/, приумноживши данный тебе от Бога талант и себе, яко дар, Тому принесши.
Слава: Отечество твое оставивши,/ в земли Российстей светом православныя веры просветилася еси,/ идеже людем любовию и милосердием послуживши,/ Христа ради мучение от безбожных мучителей претерпела еси./ Сего ради прославит я Господь и Небеснаго Отечества наследницу показа.
И ныне: Воспоим славу Пресвятей Деве Богородице,/ приведошася бо Царю Христу вслед Ея девы и жены,/ с ними же и святая преподобномученица Елисавета/, Небеснаго чертога жительница и Господни трапезы брачныя причастница.
Песнь 3
Ты еси утвержденте/ притекающих к Тебе, Господи,/ Ты еси Свет омраченных, и поет Тя дух мой.
Все упование твое на Господа возложила еси, Елисавето многострадальная,/ егда честныя останки мужа твоего рукама твоима собираше./ Темже не ожесточила еси сердца твоего, ниже отчаянию предалася еси,/ но теплую молитву Господеви возносящи/, милостивно безбожнаго убийцу простила еси.
Красоту мира сего и сладость презревши,/ постническаго жития возжелела еси, богомудрая./ Сего ради обитель милосердия основала еси и страждущим добре послужила еси.
Слава: Христа Подвигоположника пред мысленным взором всегда имеющи, мученице,/ Тому последовала еси и в послушании воле Божеей пребыла еси даже до смерти,/ .юже мужественно приемши, Господом укрепляема, за мучителей молилася еси.
И ныне: О Пресвятая Мати Дево!/ Светом Сыеа Твоего Божественнаго омраченную грехми душу мою млиостивно просвети/ и теплотою молитв Твоих растопи лед жестокосердия моего,/ да последую узким путем ко спасению,/ наставницу имея преподобномученицу Елисавету.
Молите Бога о нас,/ святыя преподобномученицы Великая княгине Елисавето и инокине Варваро,/ яко мы усердно к вам прибегаем/ скорым помощницам и молитвенницам о душах наших.
Таже диакон:
Помилуй нас, Боже, по велицей милости Твоей, молим Тис я, услыши и помилуй.
Лик: Господи, помилуй. (Трижды)
Еще молимся о Великом Господине и Отце нашем, Святейшем Патриарсе Алексии и овсей во Христе братии нешей.
Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Еще молимся о милости, жизни, мире, здравии, спасении, посещении и оставлении грехов рабов Божиих, братии и прихожан святаго храма сего (святыя обители сия) и всех зде ныне нами поминаемых, и всех зде предстоящих и молящихся.
По сих же:
Еще молимся за всю братию, и за вся христианы.
Посеем возглас:
Яко Милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков.
Лик: Аминь.
Кондак, глас 4:
Воспоим днесь славу святым новомученицам Российским, благоверной княгине Елисавете с Варварою верною,/ в Гефсиманстей веси погребенным,/ образ бо нам показавшим мужества духовнаго/ во исповедании веры православныя./ Темеж молим вас, молитеся Христу Богу,/ да изведет на жатву делатели Своя,/ просветити светом истинныя веры страну, юже возлюбили есте,/ и спасет души наша.
Икос:
Прежде кончины убиение претерпела еси, Елисавето мученице, егда убийца мужа твоего порази неисцельною раною душу твою, и тако для радостей мира сего умерши, воскресла еси, якоже древле Тавифа, во еже немощным послужити. Сему жеподвигу радости нескончаемыя причастившися, напитала еси душу свою светом Божественныя любве, сего ради не убоялася еси мучителей, убивающих тело, егоже разрешившися душею востекла еси ко Господу, Егоже моли помиловати и спасти души наша.
Седален, глас 5:
От юности Господа возлюбивши,/ Тому поработала еси, блаженная Елисавето,/ и явилася еси яко земля благоплодная/, на нейже доброе семя Православия всеяно бысть и сторичный плод принесе./ Сего ради буди нам ходатаица/ и умоли Создателя безплодие сердец наших разрешити,/ да принесем и мы Ему плоды покаяния, любовь и смирение./ егда же призовет нас Господь на подвиг исповедничества,/ помолися за нас,/ во еже не отринути нам чашу сию,/ но даже до конца вся претерпети,/ и тако Царства Небеснаго достигнути.
Слава, и ныне, Богородичен:
Потщися, Пресвятая Богородице,/ молитву Твою Богу принести о нас, под кров Твой прибегающих,/ погибаем бо от множества прегрешений и вопием Ти::, Ты еси Споручница всех, упование на Тя возложивших.
Песнь 4
Услышах, Господи, смотрения Твоего таинство,/ разумех дела Твоя/ и прославих Твое Божество.
Якоже Марфа, сестра Лазарева, послужила еси Господеви, преподобномученице Елисавето,/ в убогих, и недужных, и подших образ Его прозревши./ Научи и мене в ближнем моем Владыку Христа зрети и Тому служити.
Благую часть, святая Елисавето, избрала еси, уподобившися Марии,/ и все помышление твое ко Господу простирала еси,/ непрестанно молящися и словесем Его поучающися.
Слава: Помолися Господеви о нас, преподобномученице Елисавето,/ со святыми женами Марфою и Мариею,/ яко да стезею подвига сугубаго пройдем/ и земли кротких достигнем.
И ныне: Блажена Ты, Пренепорочная,/ Тобою бо к нам Зиждитель всех сниде,/ и блажени людие, Тобою к Нему притекши./ Сего блаженства и нас сподоби, Тебе присно прославляющия.
Песнь 5
Утреннююще, вопием Ти:/ Господи, спаси ны,/ Ты бое си Бог наш,/ разве Тебе иного не веемы.
Неизреченным смотрением Господним страданий причастившися,/ Духа Божественнаго в сердце твоем стяжала еси,/ и людем молитвою и милосердием послужила еси.
Воля Господня во святых Его совершается:/ ходят бо неленостно по стопам заповедей Его./ Такожде и ты, о преподобномученице, всю себе Господеви предавши,/ радость, вкупе же и скорбь от Того с благодарением прияла еси/ и послужила еси Ему, подвизающися благочестно.
Слава: Молитвы твоя, преподобномученице,/ да будут врачевство многоболезненныя дуи моея, недугующей грехми./ Никтоже бо просяй от тебе отыде без помощи и утешения.
И ныне: не имам дерзновения простити у Господа отпущения грехов моих,/ сего ради к Тебе, Владычице, припадаю,/ преклоняя колена души и телесе. Тебе вверяю немощное моление мое,/ да принесеши его ко престолу Всевышняго.
Песнь 6
Ризу мне подаждь светлу,/ одеяйся светом, яко ризою,/ Многомилостиве, Христе Боже наш.
Обнажися душа моя от всякия добродетели/ и к кому прибегну в нищете моей,/ аще не к тебе, святая преподобномученице Елисавето?/ Веем нищелюбие твое, яко не отвращалася еси просящаго,/ тако и мене, недостойнаго и уничиженнаго, не отжени,/ но помолися Господу о исправлении жития моего.
Да не будет мне в осуждение молитвословие сие, из глубины сердца возносимое,/ обуревают бо мя волны моря житейскаго, и пути благаго не веем./ Помолися о мне, святая Елисавето,/ и на стезю правую настави.
Слава :Приими моление мое, милостивая Елисавето,/ якоже и прежде принимала еси больныя, сирыя и крепостию оскудевшия./ Утоли глад и жажду, исцели болезни души моея,/ и испроси мне у Христа, еже потребно ко спасению.
И ныне: Богородице Дево,/ просвети радостию Твоею сердце мое,/ омый скверну души моея и облецы мя в светлую одежду,/ в нейже представ ко Господу, не изгнан буду из чертого брачнаго.
Молите Бога о нас,/ святыя преподобномученицы Великая княгине Елисавето и инокине Варваро,/ яко мы усердно к вам прибегаем/ скорым помощницам и молитвенницам о душах наших.
И глаголет диакон, ектению малую:
Паки и паки миром Господу помолимся.
Лик: Господи помилуй.
Заступи, спаси, помилуй и сохрани нас, Боже, Твоею благодатию.
Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувшее, сами себе и друг друга, и весь живот наш Христу Богу предадим.
Возглас: Яко благословися имя Твое, и прославися Царство Твое, Отца и Сына и Святаго Духа, ныне и присно, и во веки веков.
Лик: Аминь.
Стихира, глас 6:
Придите, людие российстии,/ потщимся начало положити подвигу покаяния,/ наемницы сущее единонадесятаго часа,/ да не пребудем прочее праздны,/ косняще и лжуще, яко никтоже нас наят,/ но да послужим Господеви хотя малое время,/ яко делателие благи винограда Его;/ аще ли не послужим, всяко вечер близ есть,/ воньже искушении будем о делех наших/ и мзду воспримем.
И по сих глаголет диакон:
Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя: молитвами Всепречистыя Владычицы нашея Богородицы и Приснодевы Марии, силою Честнаго и Животворящаго креста, предстательствы честных небесных сил бесплотных, честнаго славнаго Пророка, Предтечи и Крестителя Господня Иоанна, святых славных и всехвальных апостол, иже во святых отец наших, и вселенских великих учителей и святителей: Василия Великаго, Григория Богослова и Иоанна Златоустаго, иже во святых отца нашего Николая, архиепископа Мирликийскаго, чудотворца, святых равноапостольных Мефодия и Кирилла, учителей словенских, святых равноапостольных великаго княза Владимира и великия княгини Российския Ольги, иже во святых отец наших всея России чудотворцев: Михаила, Петра, Алексия, Ионы, Филиппа, и священномучеников патриархов Иова, Ермогена и Тихона, святителей Макария, Иннокентия и Филарета, митрополитов Московских, святителя Владимира, митрополита Киевскаго и Галицкаго, святителя Вениамина, митрополита Петроградскаго, святых славных и добропобедных мучеников, святаго великомученика и Победоносца Георгия, святаго великомученика и целителя Пантелеимона, святых благоверных князей Александра Невскаго, Даниила Московскаго и Димитрия Донскаго, святых царственных мучеников и страстотерпцев Царя Николая, Царицы Александры, Великих княжен Ольги, Татианы, Марии и Анастасии, преподобных и богоносных отец наших: Сергия и Никона, игуменов Радонежских, преподобных Антония и Феодосия и прочих Киево-Печерских чудотворцев, преподобнаго Серафима Саровскаго, преподобнаго Иова, игумена Почаевскаго, преподобномученика Корнилия Псково-Печерскаго, преподобнаго Амвросия, старца Оптинскаго, преподобнаго Паисия Величковскаго, преподобных схимонаха Кирилла и схимонахини Марии, святаго праведнаго Иоанна Кронштадтскаго чудотворца, святыя блаженныя матери Ксении Петербургския, святых преподобномучениц Великия княгини Елисаветы и инокини Варвары, святых праведных богоотец Иоакима и Анны, и всех святых, молим Тя, Многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Возглас: Милостию и щедротами, и человеколюбием Единороднаго Твоего Сына, с Нимже благословен еси, со Пресвятым и Благим и Животворящим Твоим Духом, ныне, и присно, и во веки веков.
Лик: Аминь.
Песнь 7
Отроцы еврейстии в пещи/ попраша пламень дерзновенно,/ и на росу огнь преложиша, вопиюще:/ благословен еси, Господи Боже, во веки.
Согрешихом, беззаконовахом, отступихом от Господа, взывают российстии народи,/ сего ради оставлении есмы ходити в воле нашей и ныне наказание терпим./ Но молитвами святыя преподобномученицы Елисаветы и всех новомученик,/ умилосердися, пощади и вразуми нас, Господи,/ да хвалу Тебе воспоем во веки.
Сохрани, Господи, молитвами всехвальныя Елисаветы/ и всех новомучеников Российских благочестия добрыя злаки,/ да не подавлены будут от терния, ниже смесятся с плевелы,/ но да возрастут и умножатся, и да вопиют людие Российстии:/ благословен еси, Господи Боже во веки.
Слава: многия злыя люди досаждаху ти в житии твоем, преподобномученице, и пакости тебе деяху./ Мы же, чада твоя, матерь и наставницу тя имущее,/ на твои молитвы надеемся и с тобою воспеваем Господеви во веки.
И ныне: Восхвалим Пресвятую Богородицу:/ Та бо Покров Свой святый над многострадальною Русскою землею распростре/ и молится о ней неусыпно с всеми новомученики российскими и святою Елисаветою,/ во еже спастися всем чтущим и прославляющим Ю во веки.
Песнь 8
Седмерицею пещь/ халдейский мучитель/ богочестивым неистовно раззже;/ силою же лучшею спасены сия видев,/ Творцу и Избавителю вопияше:/ отроцы, благословите,/ священницы, воспойте,/ людие, превозносите во вся веки.
Егда убиваема была еси, преподобномученице,/ не поколебася вера твоя и милосердие не оскуде./ В час бо смертный не оставила еси служения страждущим/ и к Богу взывала еси, вопиющи:/ благословите, людие, Господа, и превозносите во вся веки.
Якоже древле, мученицы свидетелие веры в мире безбожнем быша,/ тако ты, святая преподобномученице Елисавето, веру твою от дел явила еси,/ и смертию запечатлела еси,/ и многия русския люди научила воспевати Господа и превозносити во вся веки.
Слава: Покажи Мне веру твою и любовь от дел твоих, взывает Господь,/ не имам, что отвещати, есмь бо яко древо неплодное, и несть мне оправдания./ Обаче смирися пред Господем душа моя Ии волю Его творити восхоте./ Укрепи мене, Елисавето, на подвиг сей,/ да не отступит от мене благое сие произволение,/ и да вопию присно:/ отроцы, благословите, священницы, воспойте, людие, превозносите во вся веки.
И ныне: Аще не имам любве, есмь медь звенящая и кимвал звяцаяй, рече апостол./ Смутися сердце мое от слова сего, зане о мне речено бысть./ Еще мало, и погибну во оскудении моем,/ но покрый, Всеблагая Богородице, милосердием Твоим скудость мою.
Песнь 9
Ужасеся о сем Небо/ и земли удивишася концы,/ яко Бог явися человеком плотски/ и чрево Твое бысть пространнейшее Небес:/ тем тя, Богородицу,/ Ангелов и человек чиноначалия величают.
Научи мене достойно Господу служити/ и в послушании воли его пребывати, преподобномученице,/ да не будет мне иго Его благое в скорбь и бремя Его легкое в тягость,/ но да утвердится и упокоится в Нем сердце мое. Не ведомы нам судьбы Твоя, Боже: что еще будет с нами в житии сем?/
Киими пути восхощет нас Господь ко спасению привести?/ Но даждь нам, преподобномученице, волю Божию без смущения и ропота прияти,/ и добрым подвигом подвизатися,/ и Царства Небеснаго достигнути.
Слава: Дивны дела Твоя, Господи!/ Мощи святыя преподобномученицы Елисаветы, во Святей земли почивающия,/ ныне в стольнем граде Москве прославляются./ Яже лобызающе, с благодарением взываем:/ слава Богу, прославляющему святыя Своя.
И ныне: Отжени от душ наших смущение и сомнение, Пресвятая Дево,/ да не погибнем яко беззаконии,/ но да спасемся со святыми молитвами Твоими и святыя угодницы Твоея, княгини Елисаветы.
И абие: Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Чтец: Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне, и присно, и во веки веков, аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имени Твоего ради.
Господи, помилуй. (Трижды)
Слава Отцу и Сыну и Святому Духу, и ныне, и присно, и во веки веков, аминь.
Отче наш, Иже еси на небесех, да святится имя Твое, да придет царствие Твое, да будет воля Твоя, яко на небеси, и на земли. Хлеб наш насущный даждь нам днесь, и остави нам долги наша, якоже и мы оставляем должником нашим, и не введи нас во искушение, но избави нас от лукаваго.
Возглас: Яко Твое есть Царство, и сила, и слава, Отца и Сына и Святаго Духа, ныне, и присно, и во веки веков, аминь.
Чтец: Аминь.
Тропарь, глас 1.
Смирением достоинство княжеское сокрывше,/ богомудрая Елисавето,/ сугубым служением Марфы и Марии Христа почтила еси,/ милосердием, терпением и любовию себе предочистивши,/ яко жертва праведная Богу принеслася еси./ Мы же, чтуще добродетельное житие и страдания твоя,/ яко истинную наставницу усердно просим тя:/ святая мученице Великая княгине Елисавето,/ моли Христа Бога/ спасти и просветити души наша.
Слава: Воспоим днесь славу святын новомученицам Российским,/ благоверной княгине Елисавете с Варварою верною,/ в Гефсиманийстей веси погребенным,/ образ бо нам показавшим мужества духовного/ во исповедании веры Православныя./ Темже молим вас, молитеся Христу Богу/, да изведет на жатву делатели Своя/, просветити светом истинным веры страну, юже возлюбили есте, и спасет души наша.
И ныне, Богородичен: Еже от века утаенное/ и Ангелом несведомое таинство,/ Тобою, Богородице, сущим на земли явися Бог,/ в неслитном соединении воплощаем,/ и Крест волею нас ради восприим,/ имже соскресив первозданнаго,/ спасе от смерти души наша.
Диакон:
Помилуй нас, Боже, по велицей милости Твоей, молим Тис я, услиши и помилуй.
Лик: Господи, помилуй (Трижды)
Еще молимся о Великом Господине и Отце нашем Святейшем Патриарсе Алексии и о всем во Христе братстве нашем, и о всякой души христианстей, скорбящей же и озлобленней, милости Божией и помощи требующей, о покровении града сего и живущих в нем, о мире и состоянии всего мира, о благостоянии святых Божиих Церквей, о спасении и помощи со тщанием и страхом Божиим труждающихся и служащих отец и братий наших, о оставльшихся и во отшествии сущих, о исцелении в немощех лежащих, о успении, ослабе, блаженней памяти и оставлении грехов всех преждеотшедших отец и братий наших, зде лежащих и повсюду правсославных, о избавлении плененных, и о братиях наших во службах сущих, и о всех служащих и служивших во святем храме сем (во святей обителе сей) рцем.
Еще молимся о еже сохранинися граду сему и святому храму сему (святей обители сей) и всякому граду и стране, от глада, губительства, труса, потопа, огня, меча, нашествия иноплеменников и междоусобныя брани, о еже милостиву и благоуветливу быти благому и человеколюбивому Богу нашему, отвратити всякий гнев на ны движимый, и избавити ны от належащаго и праведнаго Своего прещения, и помиловати ны.
Еще молимся о милости, жизни, мире, здравии, спасении, посещении, прощении и оставлении грехов рабов Божиих, братий и прихожан святаго храма сего (святыя обители сия) и всех зде ныне нами поминаемых, и всех зде предстоящих и молящихся.
Еще молимся, и о еже услышати Господу Богу глас моления нас грешных и помиловати нас.
Возглас: Услыши ны, Боже, Спасителю нау, упование всех концев земли и сущих в мори далече: и милостив, аилостив буди, Владыко, о гресех наших, и помилуй ны. Милостив бо и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков.
Лик: Аминь.
Диакон: Ко святым преподобномученицам Великой княгине Елисавете и инокине Варваре помолимся.
Лик: Святые преподобномученицы Великая княгине Елисавето и инокине Варваро, молите Бога о нас.
И глаголет священник молитву сию:
Молитва
О святыя новомученицы Россияския, Великия княгине Елисавето и сестро ея крестовая пречетная инокине Варваро, купно путь свой во мнозех муках скончавшия, евангельския заповеди делом во обители милосердия совершившия, веры ради православныя подвизающиеся до смерти в последняя времена сия и добрый плод в терпении страстей Христу принесшия! Молитеся Ему, яко победителю смерти, да утвердит Церковь Русскую Православную и Отечество наше, кровию и страданьми новомучеников искупленныя, и не даст в расхищение врагом России достояния нашего. Се бо лукавый враг вооружися на ны, хотя нас погубити в междоусобных бранех, скорбех, нестерпимых печалех, болезнех, нуждах и бедах лютых. Умолите Господа низложити вся немощныя дерзости их; веру в сердцах людей российских укрепите, да егда найдет на ны испытания час, мужества дар восприимем вашими молитвами, отвергшеся себе и вземше крест свой, последуем Христу, распинающее плоть свою со страстьми и похотьми. Сохраните нас от всякого зло, освятите пути жизни нашея, даруйте покаяние нелицемерное, тишину и мир душам нашим, испросите у Господа всем нам мытарств горьких и вечныя муки избавитися и Небесному Царствию наследники бытии со всеми святыми, от века угодившими Богу, да радующееся воздадим хвалу, честь и поклонение Отцу и Сыну и Святому Духу во веки веков.
Лик: Аминь.
Диакон: Премудрость.
Священник: Пресвятая Богородице, спаси нас.
Лик: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Священник: Слава Тебе, Христе Боже, упование наше, слава Тебе.
Лик:Слава Отцу и Сыну и Святому Духу, и ныне и присно, и во веки веков, аминь.
Господи, помилуй (Трижды)
Святейший Владыко, благослови.
Священник: Христос истинный Бог наш, молитвами Пречистыя Своея Матери, сятых преподобномучениц Великия княгини Елисаветы и инокини Варвары и всех святых, помилует и спасет нас, яко благ и Человеколюбец.
Лик: Господи, помилуй (Трижды).
Величание:
Величаем Вас,/ святыя преподобномученицы Великая княгине Елисавето и инокине Варваро,/ и чтим честная страдания ваша,/ яже за Христа претерпели есте.
Ещё можете поискать в Яндексе по этой ссылке:
http://yandex.ru/yandsearch?text=%F1%F2%E8%F5%E8%F0%FB+%EF%F 0%E5%EF%EE%E4%EE%E1%ED%EE%EC%F3%F7%E5%ED%E8%F6%FB+%C5%EB%E8% F1%E0%E2%E5%F2%FB+
|
|
|
|
|
|
|
|
|
|
|
|
| Re: Догадываюсь что могу попасть в оффтопик, но.... [сообщение #105507 является ответом на сообщение #95474] |
Вт, 15 Июль 2008 23:47 |
баба яга
Сообщений: 5995
Зарегистрирован: Октябрь 2007
Географическое положение: южная европа
Карма: 0
|
Мне тут нравится
Елена |
|
|
|
Стихир нет даже в служебнике...Но есть тропарь.
Тропарь, глас 2
В красоте земней красоту небесную показала еси, святая преподобомученица Елисавето, и женам-мироносицам Марии и Марфе подражала еси, в служении Богу и людем страждущим. Темже прослави тя Христос Бог, яко едину от святых жен российских, дарующих вам мир и велию милость.
Тропарь, глас 1
Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу усердно просим тя: святая мученице великая княгине Елисавето, моли Христа Бога спасти и просветити души наша.
Тропарь, глас 4
Страстотерпица преподобная Варваро, в напастех с наставницей своею даже до смерти пребывшая, Христово бо Евангелие исполнив, положила еси душу свою за други своя. Ныне же предстоя с собором святых жен российских, моли оставление грехов даровати чтущим любовию святую память твою.
Тропарь, глас 4
Кротость и смирение и любовь вселивши в душу свою, усердно послужила еси страждущим, страстотерпице святая княгине Елисавето, таже с верою претерпела еси страдания и смерть за Христа, с мученицею Варварою. С нею же моли о всех с любовию почитающих вас.
Кондак, глас 4
Воспоем днесь славу святым новомученицам Российским, благоверной княгине Елисавете с Варварою верною, в Гефсиманийстей веси погребенным, образ бо вам показавшим мужества духовнаго во исповедании веры Православныя. Темже молим вас, молитеся Христу Богу, да изведет на жатву делатели Своя, просветити светом истинныя веры страну еяже возлюбили есте, и спасет души наша.
Кондак, глас 4
От славы царственныя, вземши крест Христов, прешла еси к славе небесней, молящися за врагов, и обрела еси радость вечную, святая мученице княгине Елисавето, с Варварою мученицею. Темже молите о душах наших.
|
|
|
|
|
|
| Re: Догадываюсь что могу попасть в оффтопик, но.... [сообщение #122811 является ответом на сообщение #122789] |
Пт, 22 Август 2008 22:46 |
ВолГа
Сообщений: 5070
Зарегистрирован: Февраль 2008
Географическое положение: Приволжский о...
Карма: 0
|
Мне тут нравится
Галина |
|
|
|
Я нашла две ссылки, но в первой по моему читает иеродиакон Герман, а вторая (там объединенные акафисты) и ...не знаю читают или поют
http://blagotvor.ru/index.php?name=Files&op=view_file&am p;lid=88
http://www.predanie.ru/mp3/Valaamskoe_monasheskoe_pravilo/
|
|
|
|
Переход к форуму:
Текущее время: Чт апр 18 05:36:16 MSK 2024
Общее время, затраченное на создание страницы: 0.02832 секунд
|
Правоверие
Участники
Поиск
F.A.Q.
Регистрация
Вход
Начало
